25-07-2026
Totok: “Londo édan nèk ora mèlu édan ora keduman.”
Likwan: “Sing culika mulya, sing jujur kojur”
Cuk Bowo: “Mangan ora mangan asal kumpul”
Nyah Ndut: “Nèk carané koyo ngono bangkrut aku Cuk …”
Mas Amir: “Lho kok iso Nyah?”
Nyah Ndut: “Lha podho nongkrong nang warung, kumpal-kumpul jegègèsan thok ning blas ora ono sing pesen …”
Kang Yos: “Ngono yo Nyah …”
Nyah Ndut: “Lha iyo to Kang …”
Koh Bos: “Sik-sik-sik, mau Totok omong opo yo ... Kok ‘londo édan’ … kan sing bener ‘jaman édan’ …?“ Koh Bos takon nang Totok karo pesen Indomie Goreng nyemek tambah endog gorèng setengah mateng. Tambah lombok sétan limo.
Totok: “Wingi wis diganti Koh …”
Likwan penasaran: “Sing ngganti sopo Tok?!”
Totok: “Pak Pé …”
Cuk Bowo: “Ngono yo Tok …”
Totok: “Ya’é …”
Nyah Ndut nimbrung: “Ngawur Totok kui Cuk …. Sing benar ‘lon-do i-reng’ …”
Kang Yos penasaran: “Kok ngerti Nyah …”
Nyah Ndut: “Lha wingi kan disiarké langsung nang radio …”
Mas Amir: “Ngono yo Nyah …”
Nyah Ndut: “Iyo Mas. Bar omong kuwi … wah sing keplok héboh banget Mas. Koyo-koyo nèk bal-bal-an kaé pas gol. Malah ono sing gebrak-gebrak mejo. Wis pokoké gayeng. Ono sing suit-suit barang. Malah pas kuwi ono sing nggowo mercon, terus disumet Mas … Dor … dor … Ping pindo mas. Tambah gayeng. Panitiané yo tambah kucluk …, terus disetèlké ndangdut koplo. Koplo time![1] Gas pol Mas … Kabèh ngadeg terus podho jogèt-jogèt kaé ... Malah ono cah telu maju, siji trus kayang, sijiné trus koprol. Sing kèri dhéwé karepé arep kayang, ning gagal terus akhiré goyang gemoy waé. Wis .. wis … kabèh koyo kesurupan …”
Likwan: “Kesurupan ‘londo ireng’ Nyah …”
Nyah Ndut: “Ya’é Lik …”
Cuk Bowo: “Ngono yo Nyah …”
Nyah Ndut: “Hè’èh Cuk …”
Totok langsung nimpali ora setuju: “Lho kan bener aku to Nyah … Jan-jan-é kan dudu ‘londo ireng’ ning kesurupan ‘lon-do é-dan’ ….”
Cuk Bowo: “Ngono yo Tok …”
Totok: “Hè’èh Cuk … I love you full ….”
Cuk Bowo: “Okélah kalo begitu …” *** (25-07-2026)
[1] https://www.youtube.com/watch?v=bhS5ZooBKpI
